ОИВ инфекциясининг лаборатория ташҳиси. 

ОИВ инфекциясинигнг лаборатория ташхиси уч йўналишда олиб борилади. Биринчиси-вируснинг ўзини ёки бўлакчаларини аниқлаш. Иккинчиси-вирусга қарши организмда ҳосил бўладиган антитаналарни аниқлаш. Учинчиси-организмдаги иммунологик ўзгаришларни текшириш.

Хозирги кунда кенг тарқалган таҳлилий текшириш, бу -қондаги антитаналарни аниқлашдир.

Қондаги ОИВ инфекциясини аниқлаш учун лабораторияларда аввал махсус иммунофермент таҳлил усули ва тасдиқловчи иммуноблот  усули амалга оширилади. Бундай текширувлар фақат маҳсус лабораторияларда, тайёргарликдан ўтган мутахассислар томонидан ўтказилади.

ОИВ инфекциясига тиббий текширувдан ўтказиш қуйидаги мақсадларда ўтказилади:

• ОИВ инфекциясига барвақт ташҳис қўйиш;

• ОИВ инфекциясини бошқаларга юқишининг олдини олиш;

• ОИВ инфекциясининг тарқалганлик даражасини ҳамда ОИВга қарши кураш тадбирлари самарадорлигини баҳолаш;

• Профилактик ва эпидемияга қарши чора-тадбирларни белгилаш;

• Эпидемиянинг ривожланишини прогноз қилиш;

• Донор қони ва унинг таркибий қисмларининг ҳавфсизлигини таминлаш.