Мен, Қўқон шахарида 2001 йилда ўрта хол оилада туғилганман, хозирда Фарғона вилоятидаги олий таьлим муассасаларининг бирида ўқийман. Сизларга ўз хаётимда билмасдан ножўя йўлга кириб қолиб, қаттиқ адашганим тўғрисида афсус надоматлар билан бўлган воқеликларни айтмоқчиман. Холбуки мени бошимдан ўтказган ушбу жирканч воқеликлар бошқа ёшларда қайтарилмасин.
Охирги йилларда соғлиғимдан тез тез шикоят қилиб, жинсий органларимда турли хил тошмаларни тошиши сабаб бир неча марта шифокор маслахатига бориб юрдим. Шифокорлар тавсия қилган даво чораларини уй шароитида қилиб юрдим. Лекин, қилинган даволардан кейин шикоятларим йўқолиб, яна бир мунча вақт ўтгандан сўнг дардим қайталанаверди. Охирги марта шифокор қабулига борганимда, ўғил бола бўлганим учун бемалол шифокорга бошимдан ўтказган барча воқеликларни айтиб бердим. Мени сўзларимни шифокор диққат билан тинглар экан чуқур хурсинди ва менга Одамнинг иммун танқислиги вируси келтириб чиқарадиган касалликка (ОИВ/ОИТС касаллиги) текширувдан ўтишим кераклигини тушунтирди. Кўрсатмага амал қилиб яшаш жойимдаги поликлиникада ОИВ инфекциясига қон топширдим. Минг афсуслар бўлсинки текширув натижаларига асосан қонимда касаллик вируси борлиги аниқланди. Олинган хулосадан кейин мутахассислар маслахатидан бўлдим. Уларни таькидлашича менга касаллик вируси бир неча йиллар олдин юққан бўлиб, касалликни юқишига турли хил эркаклар билан жинсий алоқада бўлганлигим сабаб бўлган. Мутахассис маслахатидан чиқиб, бошидан ўтказганларимни бир бир сархисоб қилар эканман, қилган ишимдан минг пушаймонлар билан шу жирканч йўлга олиб кирганларни эсладим.
Ўша вақтда 14 ёшда эдим, махалламиз ховлисида уйнаб юрганимда бир отахон келиб, менга телефонидан турли хил уйинларни қўйиб бериш бахонаси билан квартирасига олиб кирди. Интернет орқали турли эркак ва аёлларни жинсий яқинликда бўлаётган видеоларни кўрсатди ва мени ўзининг мақсадига етишиш учун жинсий алоқага таклиф этди. Йўқ, жинсий алоқага мажбурлади. Мен ўша холатда нима бўлганини ва вақт қандай ўтганини билмайман, кечга яқин отахон менга бўлган ишлар тўғрисида хеч кимга индамаслигимни таькидлаб, бир мунча пул берди. Кейинчалик отахон билан тез тез кўришиб турадиган ва отахоннинг бошқа танишлари билан хам жинсий мулоқатга киришадиган бўлдим. Кейинчалик ушбу хулқим билан кўпчиликка танилдим ва мен Тошкент шахар, Намонган вилоятларига кўп марталаб бориб юрдим.
Афсуслар бўлсинки ушбу хулқ орқали ўзимга тузатиб бўлмас бир дардни илаштирибман. Касаллик кимдан қачон юқиб қолганини билмайман. Бошимдан ўтказган кечинмаларни айтар эканман, хаётида мен каби ёшларни адашмаслигини, бир кун келиб хар бир хатони албатта жозоси борлигини эслатмоқдаман.
Халқимиз азалдан ота боболаримиз томонидан қолдирилган яхши хулқли маьнавият, гўзал маьданият қоидаларига амал қилиб, урф одатларимизга тўғри келмайдиган фахш, харом ишларни қоралайди. Бугунги кунда дунё цивилизацияси ривожланиши билан бир қаторда бизнинг худудга хам Европа давлатлари ахолисига хос хулқ атворлар афсуски кириб келмоқда. Ушбу хулқларга ёшларимиз билиб билмасдан амал қилиб, ўз келажагига ва соғлиқларига жиддий таьсир этадиган қайтариб бўлмас оқибатларга тушиб қолмоқда.
Ушбу хаётий кечинма, ёшларимизга инсоният қадр қиммати, обрў эьтиборини йўқолишига сабаб бўлувчи иллатлар гиёхвандлик, кашандалик, алкоголизм, фохишабозлик, бесақолбозликдан йироқда бўлишлари учун тақдим қилинмоқда ва билингки ушбу иллатларни оқибатида тузатиб бўлмас касаллик ОИВ/ОИТС борлигини хам хеч қачон унутмаслигимиз лозим.
Вилоят ОИТСга қарши курашиш
маркази бош врач ўринбосари С.Нурматов
